ISL:FC Pune City-i 2-1 agi Atletico de Kolkata akok

Pune, November 06 (Agencies) : FC Pune City-i tang tasayadak Indian Super League (ISL) asayamung nung Deobarnü parnok den asayar Atletico de Kolkata (ATK) madak 2-1 agi takok angu.
Shree Shiv Chhatrapati Sports Complex Stadium nung asaya tenzüker minute 41buba nung FC Pune nungi Eduardo Ferreira-i goal ka yok aser minute 56buba nung Hume-i metsüba ball ka ATK goalkeeperi matok saka Canada nunger Anibal Rodriguez-i oa metsüokja goal ka yoksema tanü iba takok angu.
ATK telok nungi striker Iain Hume-i minute 69buba nung goal ka yokba ajanga par telok teimla nung asaya saka FC Pune-i parnok majatetdaktsü.
Iba takok anguba ajanga Pune point asem angu.
Pune telok 8 ben asaya aruba nung tanü par tesem nung takok anguba ajanga ngutetba point asem dena point toku kümer jenjang ana meraketogo aser tang parnok jenjang trokbuba nung lir.
Pune City ya point trok ang ngur ajak dang teküpoktiba nung liasü saka tangbo jenjang trokbubai tua Kerala Blasters aser FC Goa na jakdang kümogo.
Pune City coach Antonio Habas atema iba takok ya kanga tongtibang lir kechiba süra Atletico de Kolkata den küm ana tashi takok ngua inyakba sülen, Habas Pune City dangi aru aser telok tasenba nung takok angutsü kanga meranga inyaker.
Tan asayamung nung Pune tenetben asayaba nung khen tang koker lia Deobarnü ATK den asaya liasü.