ISL:Kerala-i 1-0 agi NorthEast koka semi-final tongtetogo

Kochi, December 4, (Agencies) : Deobarnü Jawaharlal Nehru Stadium nung, tang tasayadak Indian Super League (ISL), asayamung quarter-final asaya nung Kerala Blaster-i 1-0 agi NorthEast United FC madak takok anguba ajanga semi-final jenjang tongtetogo.
Semi-final asayatem nung Kerala o Delhi na aser Mumbai City FC o Atleticode Kolkata na tsüngda asayatsü.
Striker C.K. Vineeth-i minute 66buba nung Kerala telok atema gola ka yoka ajanga parnoki Northeast madak takok angu.
Iba asayamung nung India nunger asaya rongnung goal timba yoksangji Vineeth kümogo. Tang tashi nung pai goal pungu yoka lir.