Isner ATP Delray Beach Quarterfinals tongtetogo

Miami, Tsüklai/February 21 (Agencies): Tang tasayadak ATP Delray Beach Open nung Bodhbarnü Seed tanabuba nung alisang John Isner-i 6-4, 6-3 agi Slovakia nunger Lukas Lacko madak takok ngua quarter-final tongtetogo.
Asaya nung Isner-i ace 18 ao aser break point ana tashi kümzükba den Lacko indang serve asemben tashi break süa takok nguogo. Tena tang agi pezübenbuba asayar.
“Iba ya takok tajung ka liasü. Ni iba asayaba maopu nung yimyasübaa kümdar, talisa ni meyipa azükba position tajungba kümdar,” ta Isner-i ashi.
Isner taruba asaya France nunger asayar Adrian Mannarino den asayatsü shibai Uzbekistan nunger asayar Denis Istomin 6-2, 7-6 (7/3) agi kokogo.
British nunger asayar Daniel Evans, shibai defending champion Frances nunger asayar Tiafoe mezüngbuba round nung tsükdakja liasü pai South Africa nunger Lloyd Harris 6-0, 6-2 agi koka quarter-final tongtetogo.
Evans taruba asaya Italy nunger asayar Andreas Seppi den asayatsü shibai 6-3, 4-6, 6-1 agi Australia nunger Jordan Thompson kokogo.
Top-seeded Juan Martin del Potro, quarter-final nung jenjang ka atema American nunger Reilly Opelka den asayatsü.
Argentina nunger asayar del Potro-i mezüngbuba round nung Japan nunger asayar Yoshihito Nishioka koka 2019 küm atema mezüngbuba asaya kokogo aser pa maneni junga asayaa aotsü merangba mapang ka lir. Temoko yiruba ajanga Australian Open nung masayatetba sülen pa tang iba asayamung nung kanga junga shilem agidar.
“Ni tetsüng atema kanga meranga inyaktsü nüngdaker. Ni tanabuba set tembangba sülen kanga belema liasü saka tetsüng tachichi atema iba ya normal dang lir,” ta del Potro-i ashi.
Kasa mapang nung Opelka, New York Open kokli tang iba asayamung nung shilem agidar. Pai taoba asayamung final nung Canada nunger Brayden Schnur koka liasü.