Isner o Nadal na Paris Masters quarterfinal tongogo

Paris, November 06 (Agencies): America nunger John Isner-i Switzerland nunger Roger Federer madak takok ngua tang tasayadak Paris Masters tennis asayamong quarterfinal nung shilem agitsü jenjang yashi Brehostibar nü ajangzükogo.
Isner-i yashi points 7-6 (7/3), 3-6, 7-6 (7/5) ngua Federer tasembuba round nung tsükdaktsü.
Tan akokba ya densema, Isner-i tennis asayatsü tenzüker tanü tashi nung Switzerland nunger tennis asayar mongin, Federer madak tan agi tanabuba takok angur lir.
Isner-i Bulgaria nunger Grigor Dimitrov madak points 6-7 (4/7), 6-1, 6-4 agi akoksang, Spain nunger David Ferrer den quarterfinal nung ajuruteptsü.
Spain nunger Rafael Nadal-ia points 4-6, 7-6 (8/6), 6-2 ngua South Africa nunger Kevin Anderson madak takok ngua quarterfinal nung shilem agitsü jenjang nguogo.
Taoba mapang Grand Slam takok marok 14 tashi agizüksang, Nadal-i Serbia nunger Victor Troicki madak points 6-4, 7-5 agi akoker, Switzerland nunger Stan Wawrinka den quarterfinal asayatsü lemzükogo.