Israel-i tang mezüng atema F-35 tayimtsütem sayu

Tel Aviv, May 2 (Agencies): Israel nung tanü Independence Day benjung amungdang United States nungi alizükba F-35 tayimtsütem tanü mezüng atema alima dang sayuogo.
Tanü Tel Aviv tzüküm anasa Israel indang F-35 tayimtsü pungu rongnungi asem tashi anüng nung yimketa sayu.
F-35 tayimtsütemji US nung amenoka aliba Lockheed Martin ajanga yangluba lir aser Israel nüjiso ngur küm 69 ajungbamung nung F-35 temi tongti shilem agia liasü.
Yaküm December ita US ket nungi Israel-i tayimtsü punguji mezüng shilem atema alizük. Mepetmesü agi sünga aliba Middle East tesem nung mitkar tashi tuluba asütsü nükjidong nung parnok Israel-i tayimtsütemji alizük.
Israel-i F-35 tayimtsü 50 shi alitsü sentong lir. tanga linüktemia US dang nungi F-35 tayimtsütem alitsü shia lir, saka United States adena orr mezüngbuba F-35 squadron alibaji Israel asütsü.
Küm shia Israel-i USD 3 billion den tema US defence aid angur.
Israel-i mezüng shilem nung USD 110 million (103.5 million euros) shi endoka F-35 tayimtsü 33 alitsü sentong lir.