Israel school tem nung Arab nunger meinyakdaktsütsü

Tel Aviv, October 19 (Agencies): Israel yimtitem nung aliba kaketreju tesemtem nung nüngdakba yanglushiba mapa inyaktsü asoshi school mesenshi tashi Arab nunger mapa inyakertem school telungi aitsü memelatsü, ta media ajanga Hombar nü metetdaktsü.
Kin tsüngta mangatettep aser tependang madoktsü asoshi iba kasa ozüng agi Yihuda nungera alentsü aser iba telatetba ya linük nung tatalokba tamajungtem nungi kaketshirtem kümzüka ayutsü nükjidong nung latetba lir, ta Israel osangkaket, Yediot Aharonot ajanga metetdaktsü.
Linük yimtiba Tel Aviv den Rishon Letzion, Hod Hasharon, Rehovot aser Givatayim yimtitem nung school mapang yanglushiarar shinga maitdaktsüi nokdangtsü, ta EFE osang ajanga ashi.
“Linük nung lendong kanga buluba ajanga Yihuda o Arab nunger contractors aser operators shinga school mapang maitdaktsütsü onoki lemtetogo,” ta Tel Aviv, City Council-i ashi.
October 1 nü lendong atalokba nung Israel nunger 8, Eritrean nunger 1 aser Palestine nunger 43 asüba sülen iba telemtetba ya agirba lir.