ISRO-i Dec 16 nü Singaporean satellite 6 yoktsü

Chennai, December 10 (Agencies): December 16 nikongdang India-i Singapore nunger indang satellite 6 Polar Satellite Launch Vehicle (PSLV) rocket ajanga yoktsü, ta senior ketdangser kati metetdaktsü.

“Iba ya commercial launch ka lir. Iba rocket ji December 16 nikongdang 6:00 ako meta Sriharikota rocket port nungi yoktsü. India nunger rocket jagi Singapore indang satellites 6 abentsü,” ta Brihostibar nü Indian Space Research Organisation (ISRO) ketdangser kati ashi.

December 16 mission ji 2015 küm atemabo ISRO atema tesüsabuba rocket yokba mission asütsü.

2015 küm tanü tashi nung ISRO-i Sriharikota rocket port nungi satellite tashi 14 yokogo (India nunger indang satellite 3 aser bendanger indang satellite 11). Satellite 13 PSLV rocket den yok aser communication satellite ka Geosynchronous Satellite Launch Vehicle (GSLV) den yok.

December 16 satellitte temji takok ngua yoktetra taküm India nungi satellite ajak agi 20 yoker asütsü.