ISRO-i PSLV-C45 takok ngua khakettsüogo

New Delhi/Nellore, April 01 (Agencies): Tanep 9:27 ako meta Nellore kübok aliba Sriharikota launch station nung Indian Space Research Organisation (Isro)-i PSLV C45 nung EMISAT satellite den tanga linüktem indang satellite 28 khakettsüogo.
Iba mission kübok Isro-i orbit asem nung payloads ayutsü aser tang mezüng space experiments agitsü.
EMISAT satellite ya intelligence satellite ka lir aser iba ya electromagnetic measurement atema lir, ta Isro osang ajanga metetdaktsü.
Tawa DRDO-i anti-satellite missile ka takok ngua tendangba sülen tanü EMISAT satellite den tanga linüktem indang satellite 28 khakettsür.
Iba mission atema Isro indang third generation workhorse Polar Satellite Launch Vehicle (PSLV) amshi aser iba ya PSLV indang 47buba flight lir.
Tanga satellites 28 rongnung 3U type 25, 6U type ana aser 2U type nano satellites ka densema lir aser itemji Lithuania nunger indang ana, Spain ka, Switzerland nunger indang ka aser United States indang 24 lir.
PSLV ya India nunger tongtibang mission ana atema amshi- 2008 küm “Chandrayan” aser 2013 küm Mars Orbiter.