ISRO-i Sept. 26 nü SCATSAT den satellite 7 kahkettsütsü

Bengaluru, September 22 (Agencies): Indian Space Research Organisation (ISRO)-i,  molu tzüyim aser tsüngsang mopung dak sentakba studies atema SCATSAT-1 aser co-passenger satellites tenet September 26 nü Sun Synchronous Orbit (SSO)-i kahkettsütsü, ta metetdaktsü.
September 26, 2016 anepdang 9:12 ako nung Sriharikota nung aliba Satish Dhawan Space Centre nung Polar Satellite Launch Vehicle indang 37th flight, (PSLV-C35)-i satellites kahkettsütsü, ta ISRO-i ashi.
Seret 377 SCATSAT-1 satellite nungji Algeria, Canada aser USA satellites den co-passenger Indian Universities  satellites ana kahkettsütsü.
ISRO-i ashiba agi, SCATSAT-1 ji 720 km Polar SSO nung amenoktsü, ajisüaka Universities indang satellites ana aser bendanger satellites ponguji 670 km polar orbit nung amenoktsü.
Orbit balala nung amenokba mission ya PSLV atema tang mezüng mission ka asütsü.