ISRO-i Singapore nunger satellite 6 takok ngua kahkettsüogo

Sriharikota, December 16 (Agencies): Bodhbar nikongdang 6:00 ako nung Andhra Pradesh, Sriharikota nungi ISRO indang Polar Satellite Launch Vehicle ( PSLV-C29) rocket nung Singapore nunger satellite trok kahketsüogo.

Satellite ajungaji takok ngua parnoki ‘orbit’ nung kilometer 550 nung amenogo. Iba sülen rocket indang stage shibangtsü.

Satellite trokbuba yokba sülen minute 46 shi lir, stage pezübubaji altitude kilometer 523.9 nung alidang tanaben tenzüktsü.

Golji second pezü shi operational asütsü iba sülen altitude kilometer 524 tashi tur stage ji anentsü.

PSLV rocket ya stage pezü engine rocket lir aser totzü solid aser liquid naprongla ajanga tashi agütsür.

Satellite trok rongnung seret 400 indang alima reprangba TeLEOS-1 ta ajaba satellite ji PSLV rocket atema tongti passenger liasü, ibayongji ISRO-i iba mission dang TeLEOS mission ajar.

Tanüngba satellite ponguji VELOX-C1 (seret 123), VELOX-II (seret 13), Kent Ridge-1 (seret 78), Galassia (seret 3.4) aser Athenoxat-1 lir.

Tamalen Indian Space Research Organisation (ISRO) ketdangser kati, “Iba ya commercial launch ka lir,” ta metetdakja liasü.

December 16 mission ya 2015 küm atemabo ISRO atema tesüsabuba rocket yoker lir.

2015 küm ISRO-i Sriharikota nungi satellite tashi 14 yokogo (India nunger indang 3 aser bendanger indang 11). Satellite 13 PSLV rocket den yok aser communication satellite ka Geosynchronous Satellite Launch Vehicle (GSLV) den yok, aser tanü satellite trok yokogo.

Taküm India nungi satellite ajak agi 20 yokogo.