ISSF Junior World Cup: India medal 23 agizüker telok kümogo

Gabala, September 21 (Agencies): Tang Azerbaijan kübok Gabala nung tasayadak ISSF Junior World Cup anogo 4 buba nung India teloki medal 5 tashi agizüka, tan asayamong nung ajak agi medal 23 tashi agizüker telok tanü, Bodbar nü kümogo.
India teloki tebur aser tetsür team 25m pistol tetoktepba nung gold 2 agizükba sülen Ahnad Jawanda-i tebur individual 25m pistol tetoktepba nung gold agizüka liasü.
Ahnad-i maneni Gurmeet o Arjun Das na den lungjemer tebur 25m pistol team gold agizük aser kasa tetoktepba tebur individual shilem nung Gurmeet-i tanabuba jenjang ajangzüka, silver medal agizük.
Tetsür 25m pistol team tetoktepba nunga Chinki Yadav, Gauri Sheoran aser Sanjana Sehrawat nungeri points 1701 ajangzüka, India asoshi gold agizüktsü.
Pragati Gupta, Soumya Gupta aser Manisha Keer nunger densemba telokia tetsür team trap tetoktepba nung 3 buba jenjang ngua, bronze medal agizüka liasü.
India teloki tanü tashi nung ajak agi gold medal 9 tashi agizüka, medal timtiba agizüker telok tarensen nung Russia telok sülen anidaka, tang 2 buba jenjang ngua lir.