ISSF Junior World Cup: India teloki 2 buba jenjang angu

Gabala, September 23 (Agencies): Tan Brehostibar nü tembangba International Shooting Sport Federation (ISSF) Junior World Cup nung India teloki overall shilem nung 2 buba jenjang ajangzüka, takok tulu ngua shilem agiogo.
Lakshaya, Kismat Chopra aser Manavaditya Singh Rathore nungeri yashi tebur Trap tetoktepba nung team bronze agizükba densema, India nunger prangpong toktepa kashishirtemi tan asayamong nung gold 9, silver 5 aser bronze 10 densema, ajak agi medal 24 tashi agizüka liasü.
Russia teloki gold 12 agizükba densema, ajak agi medal 25 tashi agizüka, tan asayamong nung temaba jenjang ajangzüker telok aküm.
Ano külen, taruba October ita tetenzüklen asayatsü ayongba ISSF Senior World Cup Finals nung Jitu Rai, Mairaj Ahmad Khan aser Sanjeev Rajput nungeri India tenüng nung toktepa shilem agitsü renema lir.