Baku, June 28 (Agencies): Azerbaijan kübok Baku nung ayongba ISSF World Cup anogo 7 aser tatembangbuba nung India nunger prangpong toktepa kashishir mongin, Sanjeev Rajput-i tebur 50m rifle 3 position silver medal tanü, Mongolbar nü agizükogo.
Tan medal agizükba ya arishi küm 35 tain Rajput-i 3 buba World Cup medal agizüker lir.
Külem sensopur, Jitu Rai-i tebur 10m pistol tetoktepba silver agizükba densema, Rajput-i tan medal agizükba ya India teloki prangpong kashishitsü tetoktepba nung medal 2 buba agizüker lir.
Rajput-i Kneeling, Prone aser Standing shilem ajunga nung ajak agi points 1167 ajangzüka 7 buba jenjang anguba sülen asayar 8-i shilem agiba final tetoktepba nung shilem agitsü jenjang angu.
Ajisüaka, pai final asaya nung ajak agi points 456.9 dang ajangzükba yong Rajput-i 3 buba jenjang ngua silver ang agizüktsü maongka angu.
Kasa tetoktepba nung Croatia nunger Petar Gorsa-i points 457.5 ngua gold aser Korea nunger Hyeonjun Kim-i bronze agizük.
You must be logged in to post a comment Login