Istanbul Airport lendong nung Hrithik aser jabasotem jenbu

Mumbai, June 29 (Agencies) : Kiralongrartemi Istanbul kübok Ataturk airport amakba jakdang ghonda ishika lia Bollywood actor Hrithik Roshan aser par jabasotem iba tayimtsü anendak liasü. Iba tatalokba nung kiralongrartemi nisung 36 tashi tepset.
Hrithik aser par jabaso ana- Hrehaan o Hridhaan nunger Serengeti National park, Tanzania nung vacation amungba sülen idak nungjagi pa Istanbul adena India-i meyipa arudang parnok Ataturk airport nung tayimtsü memenep.
“Istanbul nung tayimtsü memenep aser taruba tayimtsüji tasüngang liasü. Saka ni economy indang ticket ali aser aru. Istanbul atema sarasademtsür” ta Hrithik-i Twitter ajanga metetdaktsü.
Airport staff dang parnoki yariba atema kanga pelar ta paisa ashi aser pa sapurtem dang kiralongraba anema noktaktsü ajungmeso.
“Ghonda ishika tejakdang Istanbul airport nung teyarinü staff temi ni anepalu. Kanga dang taoksatsü osang. Tamangba yimsü tenüng nung tai maket nisungtem tepsetogo. Asenok ajak longjemer kiralongraba anema noktaktsüla” ta Hrithik-isa Twitter nung metetdaktsü.
Islamic State züngsemtem asütsü akok ta temulung melemi bilemer sucide bomber asemi Istanbul nung Ataturk airport amak aser iba mapang poarnoki nisung 36 tepset aser aika yirutsü.