IT aser electronics nung India aser Palestine na tesendaktep akangshitsü

July 13, 2017 (Agencies): Bodhbarnü India aser Palestine na tsüngda information technology aser electronics (IT&E) dak sendakba nung Memorandum of Understanding (MoU) ka yangluba Union Cabinet nem metetdaktsüogo.
Iba MoU ya e-Governance, m-Governance, e-Public Services Delivery, cyber security, software technology parks aser start-ups ecosystem nung tali tangatettep nung longjemshia inyaktsü nükjidong nung yanglu, ta ketdangser sangdong ka ajanga metetdaktsü.
“MoU ya telok anapronglai sign asüba anogo nungi mapa küma inyak tenzüktsü aser iba ya küm pongu tashi alitsü,” ta kasa sangdong ajanga metetdaktsü.
“MoU ya telok anaprongla nungi tishimtetba pur tem adenshia IT&E composed nung working group ka amenteter inyak tenzüktsü. Information aser communication technology nung teka amteper inyakba nung business-to-business (B2B) aser group-to-group inyakyim shilem tuluba lir aser iba ajanga ajak tali ajungkettsü. Iba tangatettep ajanga B2B tali ajungkettsü asoshi nükjidong lir koba ajanga employment opportunity tali agütsütsü,” ta kasa sangdong ajangasa metetdaktsü.