IT department-i NE nung sen aika apu

Guwahati, April 9 (Agencies): Income Tax Department ketdangsertemi Northeast state 8 nung Rs 5.84 crore tashi puogo. Senji March 12, 2019 nungi April 8, 2019 tsüngda apuba liasü.
“2014 küm sen apuba dang nungi taküm 482% agi teimba puogo. Taoba Lok Sabha elections mapang Rs 1.21 crore dang apu. Model code of conduct tenzüker anogo 27 tsüngda senji apuba liasü” ta ketdangsertemi ashi.
“2017-18 financial year mapang kuli maliba sen apuba nung tang election jakdang apuba senji 50% dak tema lir, ta IT ketdangsertemisa ashi.
Directorate of Income Tax-i northeast nung airport 12 dena tongtipang tesemtem nung aser ketdangser 160 dak tema mapa lemzükja lir.
Directorate of Income Tax-i Northeast nung aliba bank tem nung sen lakh 10 tema enokba aser agizükbatem mita repranger. Parnok den Financial Intelligence Unit of India, RBI aser bank 68-i yariteper.
Directorate-i ‘Big-Data’ mining aser analytical tools ajanga sen aika amshiba mita repranger.