Ita 12 tsüngda tetsür actor rongnung Emma Stone-i sen timba aazük

August 18, 2017 (Agencies): Arishi küm 28 tain, Emma Stone-i taoba küm sen million $26 aazük aser iba sen ya timba lai Oscar nguteta La La Land nung shilem agiba nungi angu. Iba film ajanga alima ajunga nungi sen million $445 aazüka lir.
“Ni arishi küm 15 tain asüdang iba tesem-i arua audition tenzük, aser audition ka nungi ka aodang temolungjang nung bilemba ni meteta lir,” ta La La Land atema audition agiba indang Stone-i shia liasü.
La ya taruba film nung Steve Carell den külemi Battle of the Sexes nung shilem agitsü. Iba film ya ‘real-life tennis drama’ ka lir aser la tang Netflix comedy ‘Maniac’ nung Jonah Hill den shilem agir.
“Kü indang career nung kü den külemi shilem agir tebur indang taa ajemdaktsünü, anungji dang nia parnok den taa kasa angutsü,” ta lai Hollywood nung tetsür tebur taa balala agütsüba indang July nung jembidang ashi.
“Aser ibaji parnoki kü den inyak, kechiyong parnoki ibaji shidak ta bilem. Ibaji nüngdakba inyakyim ka saka mejembi; taa kasa angutsü atema nisungtemi tanen maka jembitsüla, ‘Aji tim lir’,” ta lai shisema liasü.
Hollywood nung tetsür actor temi sen timba aazüker indang osang Forbes ajanga sangdongba rongnung temaba jenjang den atonglaji Jennifer Aniston lir, lai aazükba sen million $25.5 nungi timba SmartWater aser airline Emirates ads indang endorsement nungi aazükba lir.
Tasembuba jenjang nung taoba küm sen timba aazüka alila, Jennifer Lawrence lir aser lai taküm sen million $24 aazük – lai 2016 küm sen million $46 aazüktet. La taoba mapang ama Darren Aronofsky indang Mother! Aser Red Sparrow film tangokba mapang lir.
Tetsürtem rongnungi sen million $20 dak tali aazüker rongnung parnok asem ya dang lir.
Forbes ajanga sangdongba nung tetsürtem sen timba aazüker temaba jenjang ter nung parnok asem den Melissa McCarthy – $18 million, Mila Kunis – $15.5 million), Emma Watson – $14 million, Charlize Theron – $14 million, Cate Blanchett – $12 million, Julia Roberts – $12 million aser Amy Adams – $11.5 million alitsü.