Ita 6 sülen Kashmir nung Prepaid Mobile Data Services lapoktsüogo

Srinagar, January 31 (Agencies) : Kashmir lenden nung ita trok dak tema prepaid mobile Internet service nokdanger aliba yasüng ayaterm nungi lapoktsüogo.
Yaküm sepaitemi Hizbul Mujahideen telungpur Burhan Wani tepsetba sülen tensa mejungi akümba ajanga mobile Internet service nokdangtsü telemtetba agi.
Yasüng ayaterm nung prepaid data services lapoktsüogo. Tensa tajungba akümba agi iba tenokdangba agiener, ta police ketdangser kati ashi.
Yaküm July 8 nü Kashmir kübok Anantnag district nung sepaitem den kahtepdang Wani kahsetba sülen Kashmir lenden nung prepaid aser postpaid nung Mobile internet services nokdanga liasü.
Tensa azüoktsü aser olulu prokba anendaktsütsü atema ketdangsertemi tenokdangbaji agütsü.
Yaküm November 18 nü postpaid mobile connections nungbo Internet service lapokja liasü.