Ita 9 tsüngda bendanger raliwalir 770-i Mizoram semdang

Aizwal, March 28 (Agencies): Mizoram Tourism Minister John Rotluangliana-i Mongolbarnü state assembly nung bendanglima nungi raliwalirtem parnok 770-i April 2016 nungi January 2017 tashi nung Mizoram semdangba osang metetdaktsü.
Mizo National Front (MNF) züngsem K Beichhua-i ashishiba nung telangzüba agüja Rotluangliana-i langzüba agi, state nung raliwalirtem atsür arutsü asoshi eco tourism, adventure tourism aser rural tourism ajungkettsü asoshi mapa balala inyakdar.
Swadesh Darshan- North East Circuit sentong kübok Eco-Tourism tasen Serchhip district nung Thenzawl aser South Zote yimtsüng nung aser Mamit district, Reiek yimdak terenlokba mapa balala inyakdar, ta pai ashi.
Rural Home Stay Scheme, Myanmar artsü, Champai district, yimtsüng 6 nung state sorkar indang New Economic Development Policy (NEDP) kübok inyakdar, ta paisa shisem.