Ita Anogo züngya züngko atema kü tangatetba O tatsüka shidanger

–  R. Imkong Lkr. Diphupar, Dimapur.

Asen Aor ita anogo züngya züngko indang tanü asüng kanga bulua zülutepba angudang nibo kü shisa makaba yari kanga rataasa bilemer. Ni kü tangatetbabo iba indang ya kanga junga shisadanga bilemdanga bushidangra asen Ao o oshi nung mulung mulunga yamai zulutsüla mesüra jembitsüla ta olong kata menguteter. Kechiyong asen tetsü-tebou mapang nungi ibala züngya-züngko kanga tejangja kata amshia mangur, aser ajaki agizüktettsüsa (common use) tanü tashi maka. Tanü asen tebu-tedi kaket zulutsü nung mongin Mr.Tsüknungpenzü, Dimapur ajanga zulutsüba ama Ongpanglen aser Azünglen tzü-mopung (climate) tera balala, yamaji tsüngküm-mongpua balala aser iba denji yimtsüng shia nüngja-kujatem tera balala amshia jembiteper. Aser item ya ka küma olong ka amshitsübaji kanga temelabo masütsü ta shia atar. Kechiyong ta süra Ongpanglen aser Azünglenjibo doktsür, ongpanglen yimtsüng ana kidanger-jia-sang ola osüa terarabo balala jembiba den ano tarnunger otsütema terarabo balala jembiba angashia arur. Yamaji asen Aor yimtsüng noklang jungnüa aliba nungji nüngja-kuja tejangja ka ibai amshidi ta ashitsübaji kanga temelabo masütsü. Aser asenok kaketshirtem Ao Literature Board-i renembaa sang, Ao Senso Telongjemi renema adoktsübaa sang, mapa küma (practicable) amshia moutettsü amai nibo bilemer. Kechiyong tang ajungbena ka nungja-kuja arok meyong ta ser amshitsübaji temalen shia aliba amaji tzükong-tzükong (Range Area) balala nung tsü-mopung balala (climate) jagi aiben opang mapu adoktsü (Difference of Geographical aspect point of views) tetsüdaktsü adoka angur. Saka asenok ajaki tanü tashi amshia aruba nungja Hopta ka tsüngda anogotemjibo yamai teti amshia jayonga arur.
Yamai –
English/tanga oshi nung      Hindi, Ordu oshi nung            Ao-oshi nung
1.    Sunday                                                    Ravi-bar                                Külem-nü
2.    Monday                                                   Som-bar                                Tana-nü
3.    Tuesday                                                  Mangul-bar                           Yanü
4.    Wednesday                                             Bodh-bar                               Yim-nü
5.    Thursday                                                Brihosti-bar                          Mekü-nü
6.    Friday                                                     Shokulbar                              Meku-nü
7.    Saturday                                                 Shani-bar                              Kodak-nü