Ita ka atema gari lenmang shibanger

Dimapur, August 23 (TYO): August 25, 2019 nungi September 24, 2019 tashi Chathe River Bridge (Patkai Bridge) nungi New Chumoukedima (Pakala Pahar Bridge) tashi aonung 10:30 nungi anepdang 5:00 ako tashi gari mesenzüdaktsütsü ta Dimapur Deputy Commissioner-i metetdaktsüogo.
Temalen shia aliba dakji alia nikongtsütsü 3: 00 nungi 3:30 aser ano 4:30 nungi 5:00 ako tashi tapoktsütem amshitsü atema gari aser nisungtem mesenzüdaktsütsü, ta Dimapur DC Kevekha Kevin Zehol, NCS-i ashi.
Gari tilatem atema Dimapur – Kohima / Kohima – Dimapur lenmangji 7th Mile – New D.C office – Shokhuvi- Razaphe- Mhaikam – Pimla- Mhainamtsi- Jhorapani / Medziphema ajanga senzütsüba dang lir, ta paisa shisem.