Ita sen timba agizüker Director ji Munjal lir: InGovern

New Delhi, November 25 (Agencies): India nung tentetba nija company balala nung Director menden abener rongnung Hero MotoCorp promoter, Pawan Munjal-i ita sen timba agizükba osang bushitetogo.
Munjal-i 2014-15 küm mapang nung ita sen ajak agi sen crore 44 agizükba osang jangjaogo.
Kasa telok nung promoter 2 – asür Brijmohan Lall Munjal aser Sunil Kant Munjal na tanabuba aser tasembuba jenjang nung aliba osanga jangjaogo ta tongti shilembaba teloktem nem shisatsü agütsüba telok, InGovern-i metetdaktsü.
Tan November ita tetenzüklen asüsang, Brijmohan-i ita sen crore 43.64 aser Sunil-i ita sen crore 41.87 agizükba osanga jangjaogo.
Par asem sülen anidaka, Lupin nung Chairman, Desh Bandhu Gupta-i ita sen crore 37.58 aser Larsen & Toubro nung Chairman, A M Naik-i ita sen crore 27.32 agizüka tena pezübuba aser pungobuba jenjang nung aliba osang lir.
India nung tentetba tongti company balala nung Director menden abener nisung 95 indang ita sen den medemdanga tendangba sülen Director kati küm nung ita sen tajemba agi sen crore 9 shi agizükba osang jangjaogo, ta InGovern telokisa metetdaktsüogo.