Ita shi nisung million 800-i Facebook Messenger amshir

New York, January 08 (Agencies): Ita shia nisung million 800-i Facebook teloki ketdang asüba Messenger app amshiba osang ka Facebook nung Chief Executive Officer (CEO), Mark Zuckerberg-i tanü Hokolbar nü metetdaktsüogo.
“Alima ajunga nung ita shi nisung million 800-i Messenger amshir,” ta pai Facebook ajanga metetdaktsü.
“Messenger app-i alima ajunga nung nisungtem tongtepratepdaktsüba atema kanga pelar. Meimchirtemi yimya danga nung maneni tongtepratepdaktsütsü nükjidong nung app tasen adoktsü alizüng yua lir,” ta pai shisem.
Kinünger aser tembartem den tongteprateptsü aser mapa koka aotsü asoshi par engineer-tem den tongteprateptsü asoshi paia Facebook amshiba olen ka Zuckerberg-i lemsatepa liasü.
Messenger amshirtemi internet ajanga noksa aser video lemsatepba den külemi, oa jembia tongteprateptetter.