Ita tenüng balala jatetren

– M.L. Wati Jamir.

January (Junus/Januarius), Roman nunger tsüngrem ka tenüng
February (Februa/Februum), merüktetba anogo tasür anogo 15 buba nung Februa benjong ta sür sa among (aji feast of expiation)
March (Martius) aji kroho (Planet) Mars tenüng
April (Aprilis) aji tsüngrem ka tenüng
May (Maus), Roman nunger tetsür tsüngrem ka tenüng
June (Junius), Roman nunger tsüngrem ka tenüng
July Roman chuba Julius Caesar tenüng
August Roman chuba Augustine tenüng
September (Septem), Roman yongko nung ibai 7 lir saka ita 9 buba kümtsü aser September jatet
October (Octo) ano par yongko nungsa ibai 8 lir saka 10 kümtsü aser October jatsü
November (Novem), ano sa ibai 9 lir saka 11 kümtsü aser November jatet
December (Decem) maneni iba 10 lir, saka 12 kümtsü aser December aja
‘ber’ ‘ber’ ‘ber’ ‘ber’ itemibo English ralok dang lir.
Anokolem tenüng jatetren
Monday (Moon’s day) tejen English nung Monandey nungi jatet
Tuesday, Tejen English Tuesdaeg nungi
Wednesday, tejen English Wednesdaeg nungi
Thursday (Thor’sday) nungi
Friday, tejen English Friye daeg nungi
Saturday (Latin ojang Saetern Dies) aser ano (Saturn’s Day) aji kroho (planet) Saturn nungi jatet.
Saka tanü joko temeshi anogo ta sür amunger.
Day, day, day…yabo English ralok (suffixes) dang lir.
Saka asenok atemabo ibala wadangrenji mongpu balala den alu züsenren anidaker asünung küm songjen nung mongpu balala ajuruyonga aodang alu züseneri kobala mongpu nung kechi tenjia inyaker aser ano lupat (week) ka nung anogo tenet yongko tenüng koma ajar itemji amshir. Yamaji, alu tasen lepoka züsentsü atema alu ajir (arem aleper) aser ibai Luji (January) ita lir, lujirem ‘arem alep renem’ Iba sülen apaji (telepzükbaji) putaka toktsür, aser iba dangji Apapu (February) ita ajar, apa ‘telepzüba arem’, pu ‘putak’ Mi agi apaji rongtoker külen joko alu nung metsü (tsük) atentsü atema puitri tesem tila ka mesemteta idakji Tsüngrem dang temoatsü asüngdanga meritsüng agi aji tenteter (aesar). Anungji ibai Tenten (March) ita lir, tenten ‘ali aesar’ aji aluten mongpu.
Mongpu ka arur aser iba mapang rong (süngsem, kümpok, lepji) meiteter aser mu (rice plant) amoker asünung rongji leptoker aser Rongji (April) ita ajar, rong (kümpok, lepji/süngsem) ji (aleper/lepdoker). Meiteta aliba mutong (rice plant) ji junga indaktsütsü asoshi alulem agi mutong dakji ali piloktsür aser aji Pilok (May) ita ajar, pilok ‘ali okloktsür’. Jokorla arem kanga naka (melema) akümer asünung konak (June) ita ajar, ko ‘arem kolak’ nak ‘temelem’. Mutong jilonga ainer aser joko paklo amener (atong-atong kümteter). Anungji ibala mapangrenji Paklomen (July) ita ajar, paklo, ‘atong’ men ‘amener’. Alu inyak tatem tsütsü repra (mutong dak janaona nailoka aketba repzüka entokba) mongpu asünung Repra (September) ita ajar, repra ‘apokzüka entok’. Alu amener aser rotener (aror) aser monangji mutsüngnem nung bendena tsük netzüker. Anungji ibai Roten (October) ita lir ro ‘aro’ ten ‘benden’. Iba sülen alu nungi tsükji bener adoka jen (store/barn/granary ) nung yua maparen ajunga sümener (inyakmar) aser ibai Sümen (November) ita ajar, sümen ‘rünem’. Alu maparen ajunga tempanger aser joko assia (ayonga) anisüngzüker aji, Assi (December) ita ajar. assi ‘anisüngzük’.
Lujirem (January)
Apapu (February)
Tenten (March)
Rongji (April)
Pilok (May)
Konak (June)
Ratep (July)
Paklomen (August)
Repra (September)
Roten (October)
Sümen (November)
Assi (December)
ANOGOLEM
Tamalen shisema aliba ama lupat (week/hopta) ka pongtem nung anogo tenet kaka shia tenüng tarensen ji pi kin inyakyim nung masü saka asen pakorem (socio-culture) nung amenloker aotsü nüngdak. Anungji lupat shia kaka yangko (cardinal number) tarensen nungi ako/yongko nung ang abensar, Janü ‘mezüng anogo’, ‘tasen anogo’ (Monday) aji lupat ka tenzükba anogo, ja tetezü ‘tasen’ Mujamnü, aji tana anogo (second day).  Ibala anogo nung maparen tulu inyakteter, mujam ‘tana’. Tentinü, aji maparen tuluba ka inyaktetba anogo (Wednesday), tenti tetezü ‘tuluba shilem’, Jiamnü (Thursday) aji tiyongtsü anogo – mapatong ajak ilonga inyakba anogo, jiam tetezü ‘tiyong’. Yatinü, ibai wadang tapu ajak tatem tsütsü leni arua inyakba anogo (Friday), yati tetezü ‘terünem tsütsü’ Atonü, ibai mapatong kechisarna temteta inyakba anogo (Saturday), aton  ‘tatem’. Rüsünü, ibai tekülem anogo. Anungji janü nungi aton nü tashi inyaka arutetba Tsüngrem nem tenüngsang agütsüba aser tatok meshiba anogo, rütsü tetezü ‘tekülem’.
Janü (Monday)
Mujamnü (Tuesday)
Tentinü (Wednesday)
Jiamnü (Thursday)
Yatinü (Friday)
Atonnü (Saturday)
Rüsünü (Sunday)