Italy nunger actor Bud Spencer süogo

Bud SpencerRome, June 28, 2016 : Italy nunger actor aser film yanglur Bud Spencer süogo. Pa arishi küm 86 liasü. Spencer ya action-comedy film tsütsü kanga nüngtugu liasü.
Pa Hombarnü asü, ta par jabaso Giuseppe Pedersoli-i sangdong ka ajanga osang tejangja agütsüba hollywoodreporter.com ajanga metetdaktsü.
“Kübo Hombar nikongdang 6:15 ako nung süngjem süngjema asü. Pa asüba mapang angoayang kecha maliasü aser onok ajak pa anasa lia pa amozüka ao. Pai onok dang tatembangsa ‘Kanga Pelar’ ta shir asü, ta sangdong nung shia lir.
Italy Ato Kilonser Matteo Renzi-ia pa nem akhümtsübu agütsüogo. Pai, “Ciao Bud Spencer, onoki na kanga meima liasü,” ta twitter ajanga lemsatep.
Spencer ya Naples nung aso aser mezüngbo pa Olympic athlete aser tzü nung asayaba polo asayar ka liasü. Pai item asaya nung 1952 aser 1956 kümtem nung asaya. Italy nunger rongnung mezüngsüa, minute ka tsüngda tzü metre 100 awasangji pa lir.
Pai 1940s mapang nungi film nung shilem agitsü tenzük, ajisüaka 1960s mapang nungiang pa kanga nüngtugu aküm.
Spencer tenüng chichibabo Carlo Pedersoli liasü, ajisüaka pai kanga sapuba beer, Budweiser tenüng aser America nung actor Spencer Tracy tenüng na jaloka pai pa tenüng Bud Spencer ta amshia aru.

You must be logged in to post a comment Login