Italy nunger striker Mario Balotelli asaya ana asayatsü nokdang

January 06, 2017 (Agencies) : Taoba ita Bordeaux den 0-0 draw asüba asaya nung Balotelli-i asaya yimya dak alaka yimya tamajung benshiba agi Brihostibarnü asaya ana asoshi nokdangogo, ta par club Nice-i osang ka ajanga metetdaktsü.
Mario Balotelli aser par külem asayar Younes Belhanda shiba asaya ka asoshi nokdangadoker liasü, tena prongla Bordeaux purtem den asayadang asaya tatemtsü lia yimya tamajung benshiba aajanga togudaktsü.
Bordeaux defender Igor Lewczuk dak oa ajalokba atema Balotelli asaya metemjungi togudaktsütsüsa aküm.
Paris nung iba tatalokba atema obendang agütsür külen Nice Tir Jean-Pierre Rivere-i, ibaji kanga dang telemtetba shidak, ta ashi.
Premier League aser Italy nung asayadang-a Balotelli-i mapang shia asaya ketdangsertem den asatepa liasü. Pa Deobarnü French Cup nung Lorient den aser January 15, 2017 nü league nung Metz den asayatsüba aliba asayatem nung masayatettsü.