Italy nungi Islamic Kiralongrar ana aridok

Rome, April 28 (Agencies) : Italy nung ketdangsertemi jihadist telok pusemer ta temulung melemi bilemba North Africa nunger ana linük nungi aridokogo, ta Hokolbarnü Interior Ministry sangdong ka ajanga metetdaktsü.
Tena rongnung mezüngbubaji arishi küm 32 tain, Tunisia nunger lir. Pa ya Sicilia kübok Ragusa yimti nung document shitak melii liasü aser pa Palermo airport nung tayimtsü ka nung yok, ta ministry-i ashi.
Tanabubaji arishi küm 27 tain, Egypt nunger ka liasü. Pa-a Lazio kübok Latina jila nung document shitak melii liasü. Pa Fiumicino airport, Rome nungi linük toktsür odaktsü, ta kasa sangdong ajanga ashi.