Itanagar nung 4 buba Sustainable Mountain Development Summit alitsü

Itanagar, August 30 (Agencies) : October 8, 2015 nü Itanagar nung 4 buba Sustainable Mountain Development Summit (SMDS) alitsü aser iba sentong nung Arunachal Pradesh Assembly Speaker, Nabam Rebia-i Legislators’ Meet ayongzüktsü.
Honibarnü Arunachal Bhawan, New Delhi nung Rebia-i Sikkim nungi Lok Sabha züngsem aser Globe India Secretary General, P D Rai den ajurutepa senden ka agiba sülen Legislators’ Meet alitsü atema telemtetba agi.
SMDS nung Legislators’ Meet alidang tenemlen aliba state nungi yimsüsürtemi pei külem khurettem aser tebilembatem lemsateper aser itemji atema action plan yanglur.
Arunachal Pradesh Speaker-isa iba senden nung MP aser MLA tem arua adentsü jaokogo.
Sustainable Mountain Development Summit (SMDS) ya Gangtok nung 2012 aser Kohima nung 2013 küm liogo. Taküm iba mungdang nung MLA aser MP 80 den timba adentsü imlar.
Itanagar nung Sustainable Development Forum of Arunachal Pradesh (SDFA)-i Steering Committee den yaritepa iba mungdang ayongzüktsü ta sorkar sangdong ka ajanga metetdaktsü.