February 17, 2016 nü I.G. Park, Itanagar nung Arunachal Pradesh Angh, J.P. Rajkhowa-i ‘film North-East 2016’ sentong lapoktsüba sülen o jembiba noksa nung angur.
Dimapur, February 18 (TYO): February 17, 2016 nü Itanagar, IG Park nung anogo pezünü Film North East-2016 benjungmung Arunachal Pradesh Angh, JP Rajkhowa-i tenzüktsüogo.
Iba sentong nung jembidang Angh-i film yanglur lanurtem dang, film tajung yangluba ajanga alima dang NE indang sobaliba, senmang aser loktibabaren tajung sayatsüla, ta ashi.
Paisa, film nung otsütem ajanga nüburtem nem osang tulu sangoktsür, kechiyong tongtepratep atema cinema ya sabang tajungtiba lir, ta ashi.
Tetenzük sentong nung Manipur film yanglur, Arian Sham Dharma aser Assamese film industry nungi, Jahnu Barua natia jembia liasü.
Kasa sentong nung Film Federation of Arunachal (FFA) Tir, Chops Chess-i, state nung iba sentong ayonga akaba ya, state nung film yanglurtem ajungmesotsü aser film yanglubaji parnok maparen ka kumdaktsütsü nükjidong nung taoba Chief Minister, Annam Yuki aser IPR Parliament Secretary, Namang Felix nati shisateta liasü, ta metetdaktsü.
Iba sentong ajanga film yanglur lanurtemi film tangokba, sound recording, editing, cinematography aser ola mangaokba densema tasa aika angazüktsü, ta Chopa-i shisem.
Iba benjungmung nung NE state ti nungi tetoktepba aser metoktepba film ajak senteper film 75 sayatsü.
You must be logged in to post a comment Login