Itanagar nung Young Talented Artistes Awards agütsü

Itanagar (Arunachal Pradesh), August 25 (Agencies): August 25, 2017 nü Raj Bhavan, Itanagar nung Young Talented Artistes Award sentong ayongzüka 2015-16 aser 2016-17 küm atema Young Talented Artistes Awards agütsüogo.
Iba sentong ya North East Zone Cultural Centre (NEZCC), Ministry of Culture-i ayongzükba liasü.
Nagaland & Arunachal Pradesh Angh aser NEZCC Mendenbuba-i aginüba ama iba sentong ya Itanagar nung ayongzüka liasü, aser maneni NEZCC züngsem state tem nung melentepa ayonga agitsü.
Iba sentong nung Award angurtemi shilem balala agi aser exhibition agia liasü. Awards ji Angh, P.B Acharya-i lema agütsü.
Iba sentong nung Chowna Mein, Arunachal Deputy Chief Minister, T. N. Thongdok, Speaker, Dr. Mohesh Chai, Minister, Art & Culture, Shakuntala D. Gamlin, Chief Secretary nunger aden.
Young Talented Artistes Awards Scheme ya 2003-04 küm Ministry of Culture-i tenzüka liasü aser iba nükjidong ya linük tesem balala nung sempet balala bushiteta ajungshitsü atema lir. Iba award nung senpet 10,000 den Certificate densema lir.
Iba scheme kübok award telemsa balala rongnung yar tsüngsang, folk music & songs, classical tsüngsang, Manipuri Classical tsüngsang, folk theatre, creative arts/painting densema lir, aser iba ya arishi küm 18 nungi 30 tsüngdapurtem atema lir.
2016-17 küm atema iba award angur rongnung Nagaland nungia Wb. Ariensa (Theatre), Wb. Mannyei Konyak (Wood & Stone Sculpture, Carpentry works, Painting & Sketching) aser Wb. Limanungdang Ao (Theatre) nunger liasü.