Itasen mechi nung Ranveer’er bodyguard aser driver asatep

October 4, 2017 (Agencies): Spotboye.com ajanga ashiba agi, actor Ranveer Singh’er driver aser pa bodyguard na ita sen magütsüba mechi nung mangatettep adoka liasü, aser iba ajanga Sanjay Leela Bhansali indang film Padmavati yangluba minprong, kong Ranveer, Deepika Padukone aser Shahid Kapoor nungeri tongti shilem agir. Osang angazükba agi, driver sang nem ya ita ana tashi itasen magütsü.
Osang ajanga ashiba agi, driver sang aser Ranveer indang personal manager na ita ana itasen magütsüba mechi nung asatepa liasü. Itasenji sen 85,000 lir. Ajisüaka manager-i Ranveer indang bodyguard dang driver baji kimai anir togutsü asoshi tetuyuba agütsü aser iba ajanga mangatettepji adok, aser film tangokba nung timtem agüja liasü.
Kasa osang ajangasa ashiba agi, Bhansali adoka nisungtem meinshiba sülen ang iba raratepba ya anen. Iba sülen driver sang ya mapa nungi anentsü. Pai pa itasen Ranveer tenü dang nung meshizüktsü meranger makokba sülen dang pa itasen magütsüi aliba dak sendakba nung union teyari meshidar.
Ajisüaka Bhansali’er teloki iba osang ya teyazü, ta aitsüogo aser Bhansali iba tesem nung meliasü aser pai iba tatalokba indang kecha memetet.
“Iba osang ya teyazü. Sanjay Leela Bhansali-i iba amala lendong ka ataloka taa meteta mali,” ta Bhansali otongdar-i ashi.