ITBP sepai 5 nem Gallantry Medals agütsü

New Delhi, August 14 (Agencies): China den arrtsülen Line of Actual Control anüker ITBP sepai pongui Chhattisgarh nung Maoists telungpur anema tasü itta raraba atema tanü parnok nem gallantry medals agütsüogo.
Taküm ITBP sepai 19 nem service category balala nung medals agütsüogo.
ITBP nung 44th battalion nungi sepai ponguji Deputy Commandant Rajesh Kumar, Inspector Jitender, Head Constable Sukhdev Donkari, aser Constables Anil Negi o Mahesh Kumar nunger lir.
“2017 küm October 25 nü Chhattisgarh nung Rajnandgaon district kübok Kamkasur aser Kopankarka arem nung Maoists telungpurtem den parnoki kanga tasü itta raraba atema parnok nem police medal for gallantry agütsü,” ta ITBP otongdar kati metetdaktsü.
Aonung piyong raradang parnoki Naxal PLGA area committee züngsem asem khaseta liasü, ta otongdarisa metetdaktsü.