ITC Avakhung renemogo : Amenba Yaden

Kohima, April 17 (TYO): Phek district nung Meluri Sub-Division kübok Avakhung nung International Trade Centre (ITC) lapoktsüsa renemogo.
ITC Avakhung ya state yimtiba Kohima nungi kilometre 300 shi pilar lir Indo-Myanmar arrtsü anasa lir.
Avakhung nung tang teinyakdak mapa reprangdangba sülen Industries & Commerce Parliamentary Secretary, Amenba Yaden-i osangbenertem dang ITC lapoktsü renemogo ta ashi.
India aser Myanmar tsüngda shishilembatsü atema ITC ji ki ana tejak shitepa yanglua lir.
Myanmar nungi shishilembartemi Industries & Commerce Department den parnok nema taktang lemzüktsütsü asüngdangyaogo aser ibaji atema parnok nem ki ka agütsütsü aser kaji India tsütsü shishilembartem asoshi lir, ta Amenba Yaden-isa ashi
Paisa ashiba agi, tesemdangertem atema rest house yanglua lir aser sorkari trade centre nung mapa talila inyaktsü.
Tawa tu Roads & Bridges Minister, Y. Vikheho Swu aser School Education & SCERT Minister, Yitachu nati Indo-Myanmar gari lenmang yangluba semdangi aodang Amenba Yaden-a dena ao aser idangji pai ITC Avakhung semdanga liasü.