IT&C Department-i State Portal osang metetdaktsür

Dimapur, July 10 (TYO) : Nagaland state sorkari lapokba State Portal ‘www.nagaland.gov.in’ ajanga department ajak nem osangtsüsang aser service agütsütsü atema lapoktsür, ta IT Department-i metetdaktsüogo.
Department indang website aika tejen kümogo aser iba ya website update asütsü atema teshimtet nübo maliba ajanga lir. Tang tashi nung ano department aikati pei indang website melapok lir. Anungji Administrative Heads of Department aser Heads of Department ajak dang Departmental website lapoktsü aser Web Manager indang mobile number o email ID tekaratiba nung agütsütsü mepishir, ta IT Department sangdong nungsa shia lir.
IT&C Department nung website anepalurtem lir anungji website tasen lapoktsü aser tanga temetetettsütem asüngdangyatsü atema tsünglanglen agüja aliba nübotem den tongteprateptsü metetdaktsür, ta parnokisa shiogo. Asono Mor (Sr. Programme Officer, 9862668288, dit-ngl@nic.in, stateportal-ngl@negp.gov.in) aser Akumla Aier (Project Engineer, 9612168836)
Tang nungi Government Notifications/Circulars/News nungertem Department of IT&C dangi yoktsü akok aser itemji Nagaland State Portal nung sangdongtsü. Iba denji külemi State Portal nung Public Grievance Redressal System tenzükogo anungji Department ajaki iba teyari agitsü mepishir, ta IT&C Department sangdong nungsa shia lir.