Item senti sayu o ya ken züngdangang

– L. Ngangshi Jamir, Mokokchung Village)

1. Shiri Laishiba azüngtsü mapang magütsüteter takoksa ulura.
2. Ne nük junga alidang Laishiba kanga nendaka züngang.
3. Kotaki atutsü apu ka dang, aji kangki.
4. Na ajak ka-aka Yisu makara kecha maka den saku.
5. Tanü Arogo tema yimya standardbo kanga atur, saka Tanela standardbo kanga alur.
6. Tanü Tsüngrem tenzüker rongnung Tanela khuret akaba tenzüker agi anünga lir.
7. Tsüngrem tenzüker kari atakatem bendener, kari temoatsü bendener. Naoa kechi bendener.
8. Na medeni Tsüngremi ajak inyaktet, saka Tsüngrem medeni nai kecha meinyaktet.
9. Na anema yimsüsür ain adokra na süngjemshiang.
10. Shibai pei taküm manishiteter, pa/laji lakem makaba Kor ka mesük.
11. Alima nung tesama tulutibaji Tanela samabaji lir.
12. Tangar lendong madak pelarji memerenshi-i malitsü.
13. Ne akümliwa kanga tatsü ta kodanga tamadok.
14. Azüki telaoer ka nung liaka Khrista kara Kotak nung alir ama tepela tesünep nung jangradema alitsü. Sentsüprang longru ki taren pungo trok atongtepa asüba ki nung liaka Khrista makara Mulomi nung alir ama ayatai tia nung alitsü.
15. Sarasadem nung mapang tali indokbaji takoksa kecha mali.
16. Sarasadem agi aonung ki shibangang, sarasadem agi anepdang kishi lapokang, sürabang ammang piyong Kibubai anüktsü; anogo tepiyong Pai len anitsü.