Itovi Kinnimi den asükhu lemsatep

Dimapur, Aenjeti/January 22 (TYO): Zaphumi (A) yimtsüng tekolakba, asür Itovi Kinnimi 21/01/2019 nü CIHSR (Christian Institute of Health’s Sciences and Research) nung asüba osang angazüka aoksaba osang ka NSCN/GPRN (Reformation) MIP sangdong ka ajanga metetdaktsüogo.
Asür Itovi ya Union Territory 1, Kilonser Cum Supervisor Inno Khekato Kinnimi tebu lir, shibai yimtsüng tekolakba ka ama par yimtsüng aniba dang masü saka jenjang balala nung lokti aser tsükong tentet/union tenzükogo.
Iba amala mangyim tia nung alidang Tsüngremi asür kibong nem tesunep aser anisüngzük agüjang aser asür tanüla teti tesunep nung anisüngzükdakjang ta sarasademtsüba, NSCN/GPRN (Reformation) MIP sangdong ka ajanga metetdaktsü.