Ivanovic-i UAE Royals tenüng nung asayatsü

Singapore, December 07 (Agencies): Serbia’er tetsür tennis asayar mongin, Ana Ivanovic-i Singapore nung asayatsü renemba International Premier Tennis League (IPTL) asayamong tanabuba shilem nung UAE Royals telok tenüng nung toktepa asayatsü asoshi tanü, Bodbar nü azüngashiogo.
La teka yirua taneptsü bushia aliba yong tesüiba tetsür World No.1 aser 2008 French Open champion, Ivanovic-i Japan nung ayonga asayaba IPTL asayamong mezüngbuba shilem nung toktepa shilem magitetti süidaktsü.
2014 küm mezüngsüa tenzüka asayaba IPTL asayamong takok marok agizüker, Indian Aces telok nung Ivanovic-ia züngsema asaya saka lai 2 buba IPTL asayamong nung Aces telok toktsür Royals telok tenüng nung ang asaya liasü.
Ivanovic dak alaka, Switzerland tsür, Martina Hingis-ia UAE Royals telok tenüng nung asayatsü renema lir.