IWSN-i Computer Training Wing tasen semzük

Dimapur, Monupii/May 04 (TYO): Monupii (May) 4, 2018 nü Purana Bazar, Dimapur nung aliba IWSN Office-cum-Training Centre tasenba nung computer training wing, Incessant Welfare Society Nagaland semzükogo.
IWSN ya Skill Development & Initiative Scheme(SDIS) kübok register süa lir aser Directorate of Employment, Skill Development & Entrepreneurship-i agizüka lir.
Tesüiba küm ter tashi parnoki cutting, tailoring aser fashion designing training agüja arudar. Parnok indang training programme balala ajanga IWSN-i mapa manguba lanur aika nem mapa angutsüsa teka mapa balala sayutetogo.
Tanü centre tasenbaji Aoyimti Baptist Arogo Pastor, Temsu Jamir-i meshitettsü. Kasa sentong nung Administrator, IWSN, computer instructors, Azungla Imsong, tesayurtem, IWSN Managing Committee, tejaokertem aser IWSN Training Centre nung kaketshirtem densema liasü.
IWSN indang Computer training wing nung DCA, PGDCA, Hardware & Networking, Tally (Accounting), Programming, Multimedia/Graphic Designing aser AUTOCAD training course agutsütsüsü aser tasenpurtem atema tang admission tagidak lir.
Tejangrartemi contact no. 9862407502 aser azunglaims@gmail.com ajanga tongteprateptsü akok, ta parnokisa metetdaktsü.