J-K: BSF-i Pak. army nungi anisüngzüker alir ka apu

Jammu, December 13 (Agencies) : Yasüng, Hombar anoung, Border Security Force (BSF)-i International arrtsülen aliba Jammu & Kashmir kübok Samba nung Ramgarh sector nungi Pakistan army nung anisüngzüker aliba nisung ka pua lir.
Intelligence Bureau-i arrtsü anasa aliba Pakistan tsütsü temulung melemi bilemba nisung kar lir ta meteta Ramgarh sector nung aliba BSF tem nem osang agütsü.
BSF temi injang ishika akah ajisüaka tzüsü aser arem nung süngdonglidong aliba ajanga kecha junga mangu.
Iba sülen khen tatsüka lir Intelligence Bureau-isa arrtsü sür India tsütsü arua nisung ka senzüba angu.
Anungji parnoki Naka mound nung aliba BSF nem osang agüja Pakistan army nungi anisüngzüker aliba nisungsaji surrender südaktsü.
Iba nisung pua arur asüngdangya asüba mapang pai pa Pakistan army nungi anisüngzüker aliba nisng ka lir, ta ashi.