Jabaso Viaan TV nung 1buba shilem agiba pelar: Shilpa Shetty

Mumbai, November 11, 2016 : Actress Shilpa Shetty Kundra’er jabaso Viaan-a reality TV show, tsüngsangba sabang nung shilem agi aser ibaji ajanga tetsü kanga nema tangtetdaktsüogo.
Sony TV channel nung yokba “Super Dancer” sentong nung Deobarnü Children’s Day episode nung Viaan-a angutsü. Shilpa-a iba tetoktepba nung film yanglur Anurag Basu aser choreographer Geeta Kapur nunger den tetendanger rongnung dena lir.
Arishi küm 41 tain, actress Shilpa-i, iba sabang nung shilem agir tanurtem tsürabur mulungjang nung kongshiba nia meteta arur, ta ashi.
“Iba sentong nung Viaan-i shilem agiba ngua kanga jangratemogo…iba sentong nung shilem agir tanurtem indang tetsütemi nema tangtetba aser yongya ataba nia jangja jangja meteta aruogo,” ta Shilpa-i sangdong ka ajanga metetdaktsü.
“Phir Milenge” film nung tongti shilem agila, Shilpa aser kinungbu Raj Kundra nati jabaso Viaan nem jungdak shilem agidaktsütsü sentong yanglu.
Viaan-i pai kangasa sapuba ken “Tattad tattad” nung tsüngsangtsü. Iba ken ya Sanjay Leela Bhansali yangluba aser Ranveer Singh o Deepika Padukone nati tongti shilem agiba “Goliyon Ki Rasleela Ram-Leela” film nung lir.