Jabaz Sarasadem

“Aser Jabaz-i Israel Tsüngrem dang ja-a ashi, oh Nai ni moajang aser kü….. aser Nü ket kü den liangma, aser ni mejashitsüsa Nai ni timtem nungi sotangma. Aser pai kechi asüngdang Tsüngremi mela.” – I Puti. 3:10.
Lai nungji pa indang aika shia mali saka t.9 nungji tera shisema lir. Aser ibaji pa kibong nung alirtem adianutem ajak dang pa tim tatemba ta shia angur.
Paji sensaker aser telemta asü, litsü lim maka asü, yimjung maka asü, kibong nung timtem ali asü pai iba timtem ta-bo shia mangur. Oda koba timtem tashidak südir süang pai pa nüngdak meshia ajang-ajanga Tsüngrem dang sarasademba yangi angur. Jabaz-i kechi Tsüngrem dang meshi Tsüngremi pai aginüba ajak mela/agütsü.
Anogo ka tenzükdang asenokia kechi meshir, koda, kechi atema meshia sarasademer? Aiben Tsüngremi jembiba aseni mangashir aser aseni jembiba Pai mangashir. O tajung talangka sarasademba ta masü, na koda tesendaktep ali itemji tongtipangtiba lir. Ashiko Jabaz ya tobur majung ana meshi-metsür ka-anga asütsü akok. Saka pa sarasadem Tsüngremi langzü.
Tsüngremi tema ajungba masü temolung teindang aginür, Na timtem ka ali asü? Jabaz ama asen temulung ajak agi asen nüngdak Pa dang shidi, Pai langzütsü. Kodanga memelenshiba, marakzüba ochi putu lung Pa dangi Jabaz ama meyipdi, Pai langzütsü.
Sarasadem:
O Kibuba, menen mulung bener Nü dangi arur; Nai agizükangma. Amen