Jackie Chan-i pa tenangzükba ayu

January 24, 2017(Agencies): Jackie Chan Kung Fu Yoga film ajungkettsü asoshi tang India nung arua lir. Hombar anepdang Mumbai airport nung pa kanga pelashishia agizükogo. Iba film nung Disha Patani aser Sonu Sood na dena shilem agir.
Bollywood nung nüngtugu actor Salman Khan-i mapang aben pa den külemi film nung shilem agirtem film tem ajungketba nung yarir, aser tang pai Sonu Sood aser Jackie Chan na indang film Kung Fu Yoga ajungketba nung shilem agidar. Salman-i anogo ishika tejakdang twitter nung Dabangg film nung külem shilem agisang ‘Chedi’ nem Kung Fu Yoga nung shilem agitsü asoshi maongka agütsüba atema pelaba lemsatep.
Pai yamai zülu; “Chedi Singh @SonuSood nem iba film nung shilem agütsüba atema kanga pelar@EyeOfJackieChan.”
Iba o nung telangzüba agüja Jackie Chan-i India semdangdang Salman ajurutsü asoshi nangzükba ama ajuruogo.
Salman-i Twitter nung yasüng tena Panda kazütsü kaka bener menürema tangoka aliba noksa lemsatep.
China aser India na bangjemba nung shilem ka ama Kung Fu Yoga ya iba linük ana külemi sentepba yangluba film tasembuba lir.