Jackman-i X-Men: Apocalypse yanglushibaren nung shilem agitsü

Los Angeles, November 02 (Agencies) : Australia nunger Hollywood actor, Hugh Jackman-i ‘X-Men: Apocalypse’ film tanaben yanglushitsü maparen nung tongti shilem agitsü renemba osang ka Aceshowbiz-i metetdaktsüogo.

Iba film ya tembanga yanglua lir saka film shilem kar tajungba küma yanglushitsü asoshi sentong renema lir aser arishi küm 47 tain Jackman-i külem actor-tem den iba maparen nung aroki shilem agitsü renemogo.

Aji oda, X-Men film nung Wolverine ama tongti shilem agisang, Jackman-i film yanglushiba sentong nung shilem agitsü asoshi sangküm, 2016 küm January ita Australia kübok Montreal yimti-i aotsü terenemshiba agiba osang jangjaogo.

Jackman den külemi, Jennifer Lawrence-i Mystique, Nicholas Hoult-i Beast aser James McAvoy-i Professor X ama shilem agia Apocalypse ta ajaba arrür anema raraba film ka iba X-Me: Apocalypse film ya lir.

Bryan Singer-i direct süa yangluba X-Men: Apocalypse film ya sangküm May ita sayatsü renema lir.