Jacob Zhimomi-i DDID Badminton Open tenzüktsür

Dimapur, September 29 (TYO): Nagaland Parliamentary Secretary, Irrigation & Flood Control, Jacob Zhimomi-i 1 buba Dimapur District Inter Departmental (DDID) Badminton Open tanü Mongolbar nü Dimapur kübok Badminton Stadium nung tenzüktsüogo.
“Department balala nung tenzüker rong nung telungjem lidaktsütsüsa Dimapur district sorkari iba ama sentong tajung ayongba atema kanga pelar. Sorkari renemtsüba saisapongdak balala nung saisaponga ajangzüktsü asoshi nüburtema ajungshir,” ta tongti tesemdanger, Jacob-i metetdaktsü.
Tan asayamong nung sorkar department 44 nungi asayar 66-i shilem agiba osang jangjaogo.
Ano külen, department shia nung mendenbubai pa kübok tenzüker nisung 5-bosa anir arua iba asayamong final repranga shilem agitsü tayonzükba olen ka Dimapur Deputy Commissioner, Kesonyu Yhome, IAS-ia metetdaktsüogo.