Jacob Zhimomi-i LADP fund indang osang metetdaktsü

Dimapur, June 8 (TYO) : June ita atema Dimapur District Planning & Development Board senden June 6 nü Deputy Commissioner, Dimapur conference hall nung amen.
Iba sendenji Irrigation & Flood Control Parliamentary Secretary & Dimapur DPDB chairman, Jacob Zhimomi menden ser agi.
Senden nung Jacob-i 2015 nungi 2016 atema LADP kübok convergence fund lemzükba indang osang metetdaktsüdang, 2015-2016 atema MGNREGA Act kübok mapa inyaktsü atema LADP fund nungi sen lakh 600 (constituency shia sen lakh 10) lemzükja lir, ta pai ashi.
LADP aser MGNREGA na lokteptsü maparen nung timtem kar aliba ajanga meinyaktet. Ajisüaka LADP nung lateta aliba ama schemes/projects inyaktsü, ta paisa metetdaktsü.
Iba dak sendakba nung Board züngsemtemi Assembly Constituency 5-i agütsüba schemes reprangdangba sülen 2015 -2016 mapang LADP kübok Assembly Constituency shia nem sen lakh 10 agütsütsü mulunga agizük.
Senden nungsa Springfield School, Ruzaphema Block III up gradation asütsü aser school 8 nem Grant in aid agütsütsü mulunga agizük. School temji item ya lir: (1) St.John Hr.Sec Residential School Dimapur (2) Woodstock School Padumpukhuri Dimapur (3) Dovecot Christian School Chumukedima Dimapur (4) Assemblies of God English School Diphupar B Dimapur (5) St.Joseph Hr Sec.School Chumukedima Dimapur (6) St.Anthony School Tenyiphe, Dimapur (7) St. Teresas Little Kingdom School, Dimapur  aser (8) Nazareth High School Purana Bazaar, Dimapur.
Taoba DPDB senden nung lemzüktsüba ama Medical department-i departmental presentation agütsü aser taruba DPDB senden nung Sericulture department-i departmental presentation agütsütsü mapa nungloktsü.