Jacqueline Fernandez tetsü den Easter among

Mumbai, March 27 (Agencies) : Actress Jacqueline Fernandez ya tang kanga mazüngi film tangoka jajaba mapang ka lir ajisüaka lai kanga nüngdaka bilemba Easter sodi ngua liasü.
Sri Lanka tsür, actress, Jacqueline-i, Easter anogo nung ketsüi kü den amongtsü asoshi aruba ajanga iba anogo jangratem tali uludaktsü, ta ashi.
“Easter anogo ya onok asoshi kanga dang tongtibang anogo ka lir aser iba anogo nung kinunger ajak külemi mongner. Takümbo ketsü Sri Lanka nung arua among. La aruba dang masü saka onoki Easter mapang achiba aser ni teti sapua chinüba kidang yangluba ‘hot cross buns’ bentsür aru,” ta Jacqueline-i sangdong ka ajanga lemsatep.
Jacqueline ya Mumbai nung alir aser tetsü tena külemi Easter amongba ajanga kanga pela liasü.
Jacqueline Fernandez ya takümsa “Housefull 3”, “Dishoom” aser “A Flying Jatt’ film tem nung asenoki angutsü.