JACWR-i Nagaland nung municipal elections agitsü akhanger

Kohima, April 20 (Agencies) : Supreme Court-i tetuyuba agütsüba nung ajemdaker state sorkar aser State Election Commissioner-i tekaratiba nung Nagaland Municipal First Amendment Act nung aliba ama municipal elections agitsü takhangba agütsür ta Joint Action Committee on Women Reservation (JACWR)-i sangdong ka nung metetdaktsü.
JACWR-i ayongzüka amenba senden ka nung Nagaland Municipal First Amendment Act nung aliba ama tetsür nem shilem wazüka yutsür Nagaland nung municipal elections agitsü atema Supreme Court-i Special Leave Petition (SLP) agizükogo aser iba onük benoka olemtep.
Iba senden nung Naga Mothers’ Association, Eastern Naga Women Organisation, Watsu Mundang, Naga Women Hoho Dimapur aser Tenyimia Women Organisation nungi lennirtem aden.