Jaden Smith indang show nung Nick o Priyanka na adentsü

Aenjeti/January 19 (Agencies): Taoba küm kibong tasen akümba Priyanka Chopra aser Nick Jonas nati Jaden Smith indang mezüng concert atema India-i arutsü akok.
Jaden-i shilem agitsü aliba ‘VH1 SuperSonic 2019 festival’ sentong ya Pune tesem nung Tsüklai/February 16 nungi 17, 2019 nü tashi ayonga agitsü renema lir.
Osangtem ajanga ashiba agi, rapper Will Smith’er jabaso Jaden ya Nick’er tembar tajung lir, aser India nung Jaden indang mezüng concert atema Nick aruagi adentsü mulunga lir.
“Iba music festival sentong nung American DJ Marshmello, British music producer aser DJ Bonobo den Jaden Smith densema tongtibang artiste temi shilem agiba angutsü. Nick aser Jaden tembar tajung ama liasü aser taoba mapang nungi tenati music atema tejangra sayuba lemsatepogo,” ta sangdong ka ajanga metetdaktsü.