Jakarta Angh Basuki-i vote timba angutsü

Jakarta, April 16 (Agencies) : Jakarta nung nüburtemi kanga ashishisang aser Muslim amangertemi par yimsü anema jembir ta tai tonglokja alisang, Angh Basuki Tjahaja Purnama-i Bodhbarnü Indonesia yimtiba nung election agitsü lia tang tashi nung pai vote timba angutsü nguteta lir, ta Deobarnü ketdangsertemi metetdaktsü.
Shishilemba inyakyim bushisüngdanger Charta Politika-i vote agütsütsüpur tebilemba asadangba mapang Angh Basuki nem vote agütsütspur timba liasü aser noklang nung shilem 47.3 agütsütsü ngutet lir ta osangbenertemi ashi.
Tanabuba jenjang nung tesüiba mapang Culture Minister Anies Baswedan Rasyid lir. Pai noklang nung shilem 44.8 agütsü. Tanüngba shilem 7.9 ji ashitsü makoker.
Indonesia ya alima nung Muslim amanger timtiba aliba linük lir. Yangi alima nung aliba Muslim amanger nisung million 263 rongnungi noklang nung shilem 87 tashi lir.