Jaktsü Samadaktsütsü Atema Inyakyim Kar

Asenok ajaki tangar nem junga ngudaktsüner aser kodang tejak nung jaktsü ka tanga adokdir tezü tanga bilemer. Dokan nung teküp anepaluba mozü tapu balala aika angur, ajisüaka item jagi tejak tali ang raksadaktsütsü akok kechiba süra item mozü aser tanübatem nung chemical keta lir. Item mozü tem melena asenoki alima nung pa sasa adokba süngotu mesüra süngjang dak nungi aluba tzü amshiba ajanga tejak tajungba kümdaktsütsü aser tarutsü nung timtem kecha marutsü.
Jaktsü samadaktsütsü atema teküpboklen agüja aliba ama inyakdangang: –
Sandalwood : Iba süng nung angohayang anendaktsüba, tatsük ajemdaktsüba aser meremsoa aliba süngjema kümdaktsüba mozü mesükba keta lir. Anungji ibai jaktsü aneptsü atema mozü tajung lir.
Naring teküp : Naringküp nung Vitamin C keta aliba ajanga teküp junga kümdaktsür aser tejak nung teküp tasü o temo na agi tapok nembanga aliba jungdaktsür.
Fuller’s Earth (Multani-mitti) : Iba ali yagi teküp nung temo tali adokba atsüdoktsür aser ibaji ajanga temo ajema kümdaktsür. Temo talila intoktsüba ajanga teküp nung aliba tapoktem nembanga aliba lapoktsür. Iba ali dang ya Beauty Mud ta-a ajar.
Hasü (Lemon) tzü : Iba tasen tzü nung vitamin C peria lir aser iba jagi teküp tasü intoktsür aser asen teküp sangwa sangwa kümdaktsür.
Aloe Vera : Aloe Vera agi teküp nungi aluba tzü soter aser iba jagi teküp anüka kümdaktsür.
(Source :  Internet)